نوصيك انت الاول

نوصيك أسمع كلامي اك تسحقو.نوصيك تبع واش نقولو و حاول ديما طبقو.نوصيك خاطاك كاين بزاف لي يتحقرو. نوصيك كيما سيدنا لقمان وصا ولدو
نوصيك أنتا الأولا مادامك راك صغير الدنيا قدامك مازالو عوام مازالو سنين
عمبالي أك حاير و تخلطو عليك ليامات حتشي سي لا بروميار ايتاب تاع لحيات
أول حاجا تجيك حاب تولي كيف لكبار حاب تولي صحيح تلبس ايفون دي 2 توال عندك
ولد كرطيك بالنسبة ليك هوا القدوا خاطاك ديما يتعارك تشوفو واعر و عندو
القوة حاب تولي كيفو هوا مالا تبدا تقلد كي تروح تقرا تهيج تضرب تغلب و
تتقلب تبدا تفرق بين صحابك أدير دي ديغا ميدابيك أدير ديغا و أدير عمايل
تاع لي غرو حتان تقول سيبون من ليوم ما نقراش تعيط عا باباك باه يقولو عليك
سوفاج دوماج تعود تخالط غير فلبغال و تدخل في الروتين تاع القهوة والدخان
يعديو عليك لعوام لتما صاح تتشوكا كي تشوف ولد كرطيك مازال قاعد فاديك
الشوكا مسكين ما يحسب غير القارو لي يتكييفو علابيك أني نوصيك قبل ما تولي
أنت كيفو.

نوصيك أنت لي تشوف في روحك أك كبرت و تقول سي تروتار في حياتي شي ما درت
حاط في بالك ماشك معصوم مالعصيان لي سونسيال لازم تكون كيما هند و أبي
سفيان ما تكونش فنيان و تقول أني فشلت والا تهبط راسك قدام الناس خاطاك
حشمت لعمر ماشو عار جامي تقول علاه أو عيب الرسول بدا الدعوة كي كان عمرو
فوق الربعين مالا روح دير الخير و بدا بوالديك لاكان حيين حضنهم و لاكان
ماتو هز يديك و من بعد ولادك و مرتك لي هزو أسمك تهالا فيهم أكتر مالروح لي
في نفسك قطع لحمك طراف طراف علا جالهم ما تخاليش الدموع يسيحو خلاه من
وجهم ماعليش تجي فيك و هوما ما يقيسهمش الريح هاكا ربي يشوفك موحال يخليك
الطيح و من بعد روح رييح الوقت راح يفوت حاتا يجي نهار و ترقد في فراش
الموت كي تشوف ولادك دايرين بيك راح تتوله تما صح تفرحا و تقول الحمد الله

mér$îî bCp

» الحرف الاول من اسمك
» خذ نصيحتك من الحرف الاول من اسمك
» تفضلوا الموقع الاول للدراسة في الجزائر
» الاقناع أن آل النبي هم الأتباع (الفصل الاول ))
» هل يستطيع الانسان ينسا الحب الاول