كاين طفلة عندها خاطيبها زاولي

كاين
طفلة عندها خاطيبها زاولي راجل وخدام على روحو كل مرة يخدم في حاجة يحب
خطيبتو ياسر وبزاف وقاعد يكون في روحو باه يعرس بها الخلاصة

.
.
.
.
.
.
.
.
.
وزيد هدر مع باباه و وخواتو باه يعاونوه في العرس نتاعو

امالا وحدا نهار جاء ولد خالة خطيبتو من الخارج قلق وزعف علخر شاف بنت خالتو عجبتووجاتو على القوسطو

وهية زادت تحلة عينها كي شافت الطوموبيل إلي عندو و الدراهم رمات روحا عليه خاطر خطيبها مسكين زوالي ما عندوش طوموبيل و وبزاف دراهم

بصح عايش والحمد لله عياش و الحمد لله

المهم ولاة تخرج ديمة مع ولد خالتها هذا ونسات خاطيبها الزوالي تبدلت معاه
ما عادش تحكي معاه حتى في التليفون حس بها تبدلت معاه ماعادش الطفلة إلي
يعرفها المه وحدا نهار حكى معاها في التليفون قالها

وشبيك ما عادش تحبي حتى تحكي معايا في التليفون قتلو أسمعني راني نحب نقابلك راحلها باه يقابلها و يحكي معاها

قتلو راني نحب نقلك حاجة و ما نحبكش تفهمني بل غالط قالها أحكي واش كاين غير الخير

قتلو ولد خالتي يحب يخطبني و يديني معاه لفرانسا و دارنا راهم موافقين و قالولي لازمني نبطل منك

غزرلها وضحك وقلها بدلتني على خاطر الفلوس ربي معاكم مادام إنت حبيت هكا تلقي الخير

روح لميمتو مسكين وحكالها الحكاية وقلها راهي بدلتني خطرني أنا زوالي وما عنديش

قتلو ميمتو يا مبدل لحية بلحية تشتاقهوم لثنين

دار الزوالي في قلبو ايا وحد نهار حكى معاه عموالي يعيش في الخارج قالو راني لقيتلك خدمة معايا

فرح صحيبنا وليلة إلي باه يقصد ربي لإيطالية عيطلو نيمرو ما يعرفوش رفد عليه قتلو ألو راني أميرة تكلم فيك وتبكي

قتلو بانو ولد خالتي كذب عليا كي قلي باه نديك معايا وخلاني و رجع لفرانسا

قلها تتفكري كي بادلتني بالمال راه تحشالك درك وراكي خسرتي راجلاالمهم قصد
ربي للإيطالية وربي حلها في وجهو ولا عندو مشروع وراهو ولىلاباس بيه في
إيطالية وشد روحو و عرس بوحدة إيطالية وبعد مدة ناب عليه ربي جاب دقس اي
ولد

وروح في الصيف بعد خمسة سنين غربة وحجج امو و باباه وشرا فيلا كبيرة وتبدلت حياة دارهم وخرج معاه خواتو

خلاصة القول يا بنات راهي مضاهر خداعة وهاكم شفتوكيفاش الطفلة أميرة كيفاش بدلة خطيبها الزاولي بواحد طحان واش صارلها

تحيية لكل واحد زوالي راجل

عندك الحق خويا سعيد المظاهر خداعة ما يربح غير لي يمشي بنيتو

صح انما الاعمال بالنيات ولكل مرء مانوى
يالبنات انا نوصيكم ماترعوش للمال ماهوش كلش الهناء هو الرسمي
كي تدي واحد عندو الدراهم وكل يوم بطريحة او يتكبر عليك واش الفيدة راح تكوني سعيدة هكا مستحيل تديه زوالي وفحل راجل وسيد الرجالة يخدم يجيب خبزتة بعرق جبينو يحبك ويسعدك وتعيشي هانية معاه ونزيدكم وصية الرسول عليه الصلاة و السلام ادا جائكم من ترضون دينه وخلقه فزوجوه فهمتو دينو وخلقوه ماشي دراهمو وسياترو وكاين واحد الصحابي جاي لرسول يسقسي فيه قالو جاو زوج يخطو في بنتي واحد غني واحد فقير الرسول سقساه واش حابة الطفلة قالو الرجل حنا حبين الغني قالو الطفلة واش حابة قالو الفقير مي حنا حبين الغني قالو لا ارى للمتحابين سوى النكاح
ان شاء الله تكونو فهمتو واش المقصود من الموضوع وتقبلو الاراء بكل صدر رحب ولي عندو رئي يتفضل سواء كان معنا او ضدنا فاختلاف الاراء لا يفسد للود قضية و زيد رئينا صواب يحتمل الخطاء ورئيكم خطاء يحتمل الصواب كلنا نخطئ وجل من لاخطئ ولا ينسى

ومشكور اخي سعيد على الموضوع

ايه المظاهر خداعة
والبنات تم تم يصدقو يحللهم مشكور اخي

oui c vaais machkour 3la mawdhou3 ,mais amirat lkol mich kifkif loooooooool
aw ygolik denya dwara

» كلمات تستحق التوقف عندها!!!!
» عندها تتسارع نبضات قلبك....
» طفلة أحبت الله فرأت الملائكة..قصة واقعية مؤثرة
» طفلة صغيرة وجدتأباها
» طفلة صغيرة وجدتأباها