r.....+.....a

قالك مرة في واحد العرس..
.
.
.
.
.
.
..

كانوا رجال يمدو فالدراهم للعريس.. واحد حط 20 ألف وطلق رصاصة بالكابوس..
وواحد آخر حط 100 ألف وطلق 3 رصاصات..
جا واحد مزطول مدلو مليون.. وحط بومبة وهرب!

***************************



قلك هذا واحد حابس فالجيش..
سقساه الشاف..
.
.
.
.
.
.
لوكان تشوف دبابة العدو.. واش دير؟! قالو: نفجرها..
زاد سقساه: وإلا شفت دبابتين؟!
قالو الحابس: نفجر الأولى ثم الثانية.. قالو الشاف: وإذا شفت 3 دبابات؟!
قالو الحابس: نلغم نفسي ونفجرهم.. قالو الشاف: وإذا كانو 4 دبابات؟
قالو الحابس: واش آآآ الشاف.. الجيش هذا فيه غير أنا؟!

************************


قمة الفرحة..
.
.
.
.

تدخل للكار وتلقى آي فون 4 محطوط..
وقمة الغباء تحب تطفيه أو ما تعرفش كيفاش..
وقمة النذالة ديرو في جيبك نورمال..
وقمة النحس تتلقى مولاه عند الباب ويسقسيك: واش ما لقيتش آي فون؟..
وقمة البرودة تجاوبو وتقولو: لا..
وقمة الفضيحة يجبد تيليفون ويبيبي للنيميرو نتاعو ويصوني في جيبك..
وقمة الكرم يقولك: خو حلال عليك..
ومبعدة تنوض مالرقاد وتفيق لعمرك باللي راك تحلم!


****************************


قالك هذا واحد المزطول شاف وحدة ماشي شابة
قالها: ماشي شابة.. ماشي شابة..
قاتلو: مزطول.. مزطول..
قالها.
.
.
.
.
..

أنا غدوا نصحى.. وانت؟!


*******************************


قالك مرة واحدة المرا ناضت فالليل
لقات راجلها فالكوزينة يتكيف ويخمّم ودموعو دايرة ويدان..
سقساتو: غير الخير؟
قالها: تشفاي مين كنت نحبك صافي 20 سنه؟
قاتلو: إيه.. نشفى.
قالها: وتشفاي كي باباك شافنا أنا وانتي في طوموبيلتي وجبد الموس وقالي تتزوجها ولا ندخلك الحبس 20 سنه؟
قاتلو: إيه نشفى.
زاد بكى وقالها: لوكان دخلت الحبس.. لوكان راني خرجت اليوم!


***********************

الهدايا الأكثر انتشارا في الجزائر
.
.
.
.
.
.
.
.
قرعة ريحة....طرف صابون..قرعة بونجو...كيلو سكر..سرفيس تع 6 كيسان..بنش..


********************

قالك هاذو زوج يكذبو بزاف..
.
.
.
.
.
.
الأول قال للثاني: عندنا لومبا (مصباح) في الدار 15 نسنة ما طفاش وما تحرڤش..
قالو الثاني: البارح شفت حنش فيه آن كيلومتر..
قالو الأول: أووو.. نقص شوية.
قالو الثاني: كي تطفي اللومبا نتاعك.. النقص في الحنش نتاعي!


******************

قالك هذا واحد مزطول كان سهران برا..
عيطتلو مرتو في البورطابل وقاتلو: أزرب ارواح.. ولادك راهم مرضى باش تديهم للسبيطار..
وهو جاي فالطريق.. شاف بلاكة مكتوب عليها لا تسرع أبناؤك في انتظارك..
قال...
.
.
.
.
.
.
.
.
هاذ المصيبة حكات للناس كامل!


************************

قالك هذا واحد حابس في الفرونسي..
راح لفرنسا مع صاحبو..
تلاقا امرأة شابة وحب يحكي معاها..
أيا قالها: Tu est belle Madame..
قاتلو: Je Suis Mademoiselle..
ما فهمهاش.. راح لصاحبو وقالو: واش معناها..
قالو صاحبو: قاتلك بلي ماهيش متزوجة.. أمالا راح ليها
وقالها: On est Tous des Mademoiselle


********************

سآلت فتاة حبيبها: "هل تريد ان تقع بـ آلحب مع اي فتآه من بعدي ؟"
آبتسم وقال : "آلبنت آلتآليـه التي سوف أحبهآ بعدك ستكونين انتي امهآ
.
.
.
.
هادي ماشي تاعنا .. !! اصبرو اصبرو
النسخه الجزائرية
.
.
.
.
.
.
سآلت فتآة حبيبھﺂ : "ھل تريد ان تقع فًــيُ الحب مع فتآة من بعدي "
إبتسـم♥♥ وقآل : "الشرع عطانة اربعة يا الزين نتاعي

******

ههههههههههههههههههههههههههههه

رحيم عجبني العنوان اكتر من النكت هههههههههههه

ههههههههههههههههههههه فايزة
مشكوريييييييييييين

ههه نكت جميلة شكرا لك خاصة النكته الاخيرة

العفو نورتي

هدا نورك وانت مشك فايق

ههههههههه ربي يخليك

هههههههههههههههههه نكتة رائعة والعنوان ما خلاااااااااااااااش
R فهمناها وA شكوووووووووووووون ؟؟؟؟؟؟؟؟؟؟؟؟؟؟

أ وماعرفتيهاش خلاص ماكش قارية يخي مستواك ثانوي
هههههه

والله لا عرفتو ؟؟؟؟؟؟؟؟؟؟؟؟؟؟؟؟؟
شكوووووووووووووون

ا معناها amie
زيدي قولي مانعرفش واش معناها ههههههه

هههههههههه انا مخي راح بعيد

معناها امين مرام وين راح مخك هههههههههه

نكت رائعة و العنوان ما خلاش

ههههههههههه ربي يعيشك